ချီလီနီကိုအသင်းခေါင်းဆောင်အဖြစ်ခန့်အပ်ကြောင်းဂျူဗင်တပ်စ်အသင်းကြေငြာ

Thet Htet Lin Thet Htet Lin

ဂျူဗင်တပ်စ်အသင်းဟာ အသင်းမှထွက်ခွာတော့မယ့် အသင်းခေါင်းဆောင် ဂိုးသမားဘူဖွန်နေရာမှာ နောက်ခံလူ ချီလီနီကို အသင်းခေါင်းဆောင်အဖြစ်ခန့်အပ်မှာဖြစ်ကြောင်း အတည်ပြု ကြေငြာလိုက် ပါတယ်။

ဂိုးသမားဘူဖွန်ကတော့ သူ (၁၇)နှစ်တာ ကစားခဲ့တဲ့ ဂျူဗင်တပ်စ်အသင်းမှ ထွက်ခွာတော့မည်ဖြစ် ကြောင်း သတင်းစာရှင်းလင်းပွဲပြုလုပ်ကာအသိပေးခဲ့ပါတယ်။ အဲဒီသတင်းစာရှင်းလင်းပွဲမှာပဲ ဂျူဗင်တပ်စ်အသင်း ဥက္ကဌ အန်ဒရေးအဂ်နယ်လီ က ချီလီနီရဲ့ သတင်းကို ကြေငြာခဲ့တာဖြစ်ပါတယ်။

ဘူဖွန်ကတော့ စနေနေ့မှာ ဗီရိုနာအသင်းနဲ့ ကစားမယ့်ပွဲစဉ်ဟာ သူ့ရဲ့ ဂျူဗင်တပ်စ်ကစားသမားဘဝ နောက်ဆုံးပွဲစဉ်ဖြစ်ကြောင်း ကြေငြာခဲ့ပါတယ်။ ဘူဖွန်ဟာ ဂျူဗင်တပ်စ်အသင်းအတွက် (၆၅၆)ပွဲ ပါဝင် ကစားအပြီး အသင်းမှ ထွက်ခွာမှာဖြစ်ပါတယ်။

အသက် (၄၀)အရွယ် ဘူဖွန်က ချီလီနီဟာ သူ့နေရာကို ဆက်ခံဖို့ အကောင်းဆုံး ကစားသမားဖြစ်ပြီး ဂျူဗင်တပ်စ်အသင်း အတွက် ကာလရှည် ကစားခဲ့သူဖြစ်ကြောင်းလည်းဆိုပါတယ်။

“ ချီလီနီအတွက်ကတော့ ဘာမှ အကြံပေးစရာမရှိပါဘူး ။ ကျွန်တော်တို့အတူ (၁၃)နှစ်လောက် တွဲကစားခဲ့ကြတယ်။ ကွင်းပြင်ပမှာရော ကွင်းအတွင်းမှာရော တွဲဖြစ်ခဲ့ကြတယ်။ ” လို့ ဘူဖွန်က ဆိုပါတယ်။

“ ဂျူဗင်တပ်စ်အသင်းရဲ့ အသင်းခေါင်းဆောင်နေရာအတွက် ချီလီနီက ပြီးပြည့်စုံတဲ့ကစားသမားပါ။ သူ့အတွက်အကောင်းဆုံးဆုတောင်းပေးပါတယ်။ တကယ်လို့များ အသင်းရရှိခဲ့ဘူးတဲ့ စီးရီးအေ ရှုံးပွဲမရှိဆိုတဲ့ စံချိန်ဟာ ကျွန်တော့်ကြောင့်သာဆို ဒါကို ကျွန်တော်သော့ခတ်သိမ်းထားလိုက်ပါမယ်။ ဒါဟာ ချီလီနီကြောင့် လို့လည်း ပြောလို့ရပါတယ်။ ဘာလို့လဲဆိုတော့ သူကအမြဲတမ်း နောက်တန်းမှာ ကျွန်တော့်ရှေ့ ရှိနေတယ်လေ။ သူသေချာလုပ်တဲ့အချိန်တိုင်းမှာ ကျွန်တော်ဂိုးဖမ်းရတာမလွဲပါဘူး။ ” လို့ ဘူဖွန်က ဆက်လက်ပြောကြားခဲ့ပါတယ်။

Comments