မိုက်ကယ်ကားရစ်ကိုအနာဂတ်မှာအသင်းရဲ့လက်ထောက်နည်းပြအဖြစ်ခန့်အပ်ဖို့လျာထားကြောင်းမော်ရင်ဟိုပြောကြား

Thet Htet Lin Thet Htet Lin

မန်ချက်စတာယူနိုက်တက်အသင်းရဲ့ နည်းပြ မော်ရင်ဟိုက အသင်းရဲ့ ဝါရင့်ကစားသမား မိုက်ကယ် ကားရစ်ကို အနာဂတ်မှာ အသင်းရဲ့ လက်ထောက်နည်းပြအဖြစ် ခန့်အပ်ဖို့ ရည်ရွယ်ထားကြောင်း ပြောကြားလိုက်ပါတယ်။

ချယ်ဆီးအသင်းနဲ့ ယှဉ်ပြိုင်ကစားမယ့် အက်ဖ်အေဖလား ဗိုလ်လုပွဲအပြီးမှာ မော်ရင်ဟိုအနေနဲ့ လက်ရှိ လက်ထောက်နည်းပြ ရူအီဖာရီယာကို လက်လွှတ်ဆုံးရှုံးရတော့မှာဖြစ်ပါတယ်။ မော်ရင်ဟို နဲ့ ရူအီဖာရီယာ တို့ဟာ အသင်းပေါင်းများစွာမှာ (၁၇)နှစ်ကြာ လက်တွဲပူးပေါင်းဆောင်ရွက်ခဲ့ကြသူတွေ ဖြစ်ပါတယ်။

နည်းပြမော်ရင်ဟိုကတော့ ရူအီဖာရီယာရဲ့နေရာမှာ အစားထိုးသွားမှာမဟုတ်ပေမယ့်လည်း မိုက်ကယ် ကားရစ်ကိုတော့ အရည်အချင်းပြည့်မီလျှင် အနာဂတ်မှာ လက်ထောက်နည်းပြအဖြစ်ခန့်အပ်ဖို့ စဉ်းစားထားကြောင်းဆိုပါတယ်။

“ အနာဂတ်မှာ မိုက်ကယ်ကားရစ်သာ အရည်အချင်းရှိမယ်ဆိုရင် ၊ ကစားသမားတွေကြား အကောင်းဆုံး ချိတ်ဆက်နိုင်ပြီး ပရိုလိုင်စင်ရမယ်ဆိုရင် သူ့ကို လက်ထောက်နည်းပြအဖြစ် ခန့်အပ်ဖို့ စဉ်းစားသွားမှာပါ။ ” လို့ မော်ရင်ဟိုက Sky Sports ကိုပြောပါတယ်။

“ တချို့ကတော့ ဒီနေ့ ကစားသမား ဖြစ်ရင် နောက်နေ့ နည်းပြဖြစ်လာနိုင်မယ်ဆိုပြီး ထင်နေကြတယ်။ ဒါပေမယ့် ဒီလို တရားသေတွက်လို့တော့မရပါဘူး။ ကျွန်တော့်အတွက် လက်ထောက်မန်နေဂျာအဖြစ် အဆင်သင့်ဖြစ်နေတဲ့သူ ကမ္ဘာပေါ်မှာမရှိသေးပါဘူး။ ကျွန်တော်က လူတွေကို ပညာတွေမျှဝေမယ် ၊ ဝန်ထမ်းအဖြစ်တည်ဆောက်မယ်။ သူပညာပြည့်ပြီး တိုးတက်လာပြီ ဆိုရင်တော့ လက်ထောက်နည်းပြ ဖြစ်လာနိုင်ပါတယ်။ ”

“ ဥပမာကားရစ်ဆိုရင် အသင်းနဲ့လည်း ဆက်ဆံရေးရှိတယ်။ ရိုးသားဖြောင့်မတ်တယ်။ ဒါကြောင့် သူ ပရိုလိုင်စင်ရရင် လက်ထောက်နည်းပြရာထူးက သူ့အတွက်ပါပဲ။ ဒါပေမယ့် ကျွန်တော့်ဝန်ထမ်းတွေရဲ့ စွမ်းဆောင်ရည်တွေကို မြှင့်တင်ပေးသွားမှာပါ။ နည်းစနစ်ပိုင်းနဲ့ဆိုင်တဲ့ တာဝန်တွေအတွက်တော့ ဝန်ထမ်းသစ်တွေ ထပ်ခေါ်သွားမှာပါ။ လတ်တလောအထိတော့ မရှိသေးပါဘူး။ ” လို့ မော်ရင်ဟိုက ဆက်လက်ပြောကြားခဲ့ပါတယ်။

Comments