ကွင်းအမည်မူပိုင်ခွင့်ကနေ ငွေကြေးများစွာ ရရှိဖွယ်ရှိနေတဲ့ မန်ချက်စတာ ယူနိုက်တက်

မန်ချက်စတာ ယူနိုက်တက် အသင်းအနေနဲ့ အသင်းရဲ့ ကွင်းနာမည် မူပိုင်ခွင့်ကို ရောင်းချမယ်ဆိုပါက တစ်နှစ်ကို ပေါင် ၂၅ သန်းခန့် ရရှိနိုင်ပြီး အီတီဟတ် ကုမ္ပဏီကနေ ပေါင် ၁၉ သန်းရရှိနေတဲ့ မန်စီးတီးအသင်းထက် သာလွန်သွားမှာ ဖြစ်ပါတယ်။

ချဲလ်ဆီးအသင်းနဲ့ အဲဗာတန်အသင်းရဲ့ အမှုဆောင်ချုပ်ဟောင်း ထရီဗော ဘတ်ခ်ျ က ပရီးမီးယားလိဂ်အသင်းတွေအနေနဲ့ ကစားကွင်းတွေကနေ အပိုဝင်ငွေများစွာ ရရှိနိုင်မယ်လို့ ယုံကြည်နေတာ ဖြစ်ပါတယ်။

“ဒါနိုင်ငံအတွက်တော့ စိတ်လှုပ်ရှားဖို့ ကောင်းတဲ့သတင်းတစ်ခုပါ။ ကျွန်တော်တို့ ရဲ့ ကစားကွင်းတွေကို အသုံးချပြီး ငွေကြေးတွေရယူနိုင်မယ့် အစီအစဉ်ပါ” လို့ ဘတ်ခ်ျက ဆိုခဲ့ပါတယ်။

ပရီးမီးယားလိဂ် အသင်း အများစုဟာ အသင်းရဲ့ ကွင်းနာမည်တွေကို ပြောင်းလဲခဲ့ပြီးဖြစ်ပါတယ်။ ဘုန်းမောက်အသင်းဟာ အသင်းရဲ့ အိမ်ကွင်းနာမည်ကို ဒင်းကော့ဒ်ကနေ Vitality Stadium ဆိုပြီး ပြောင်းလဲခဲ့ပါတယ်။

တခြားဥပမာတွေ အနေနဲ့ကတော့ ဘရစ္စတန်အသင်းအိမ်ကွင်း(American Express Community Staduim) ၊ စတုတ်စီးတီး အိမ်ကွင်း (bet 365 stadium)၊ ဟတ်ဒါဖီးလ်အသင်း အိမ်ကွင်း (John Smith’s Stadium)၊ လက်စတာစီးတီး အိမ်ကွင်း (King Power Stadium) ၊ ဆွမ်ဆီးအသင်း အိမ်ကွင်း (Liberty Stadium) တို့ ဖြစ်ပါတယ်။

နယူးကာဆယ်အသင်းကတော့ အိမ်ကွင်းနာမည် St. James Park ကို ၂၀၁၁ ခုနှစ်မှာ ပရိသတ်တွေ တားမြစ်တဲ့ကြားကနေ Sports Direct Arena လို့ အမည် ပြောင်းလဲခဲ့ပြီး လက်ရှိ စပွန်ဆာဖြစ်တဲ့ ၀န်ဂါ ကုမ္ပဏီနဲ့ လက်မတွဲခင်ထိ ရှိခဲ့ပြီး နောက်ပိုင်းမှာမှ St. James Park လို့ ပြန်လည်ပြောင်းလဲခေါ်ဝေါ်ခဲ့ပါတယ်။

အာဆင်နယ်အသင်းကလည်း ၂၀၀၆ ခုနှစ်မှာ အိမ်ကွင်းဟိုက်ဘူရီကို စွန့်ခွာပြီး အသင်းရဲ့ အိမ်ကွင်းသစ်ကို Emirates လို့ အမည်ပြောင်းလဲခဲ့တဲ့ နောက်မှာတော့ မန်ချက်စတာ ယူနိုက်တက် အသင်းရဲ့ အိမ်ကွင်းနာမည် မူပိုင်ခွင့်ကတော့ ရင်းနှီးမြှပ်နှံသူတွေကို အဓိက ဆွဲဆောင်နေတဲ့ အရာတစ်ခုအဖြစ် ရှိနေခဲ့ပါတယ်။

Comments